|
, ,
بـسـم اللـه الـرحـمـن الـرحـيـم
السـلام عليـكم و رحمـه اللـه و بركـاتـه
,,
,,
.. عنـدي لـكـم قـصـيدة حـلـوة  ..
,,
,,
,,
وقت من البطا و بليل تتراقص شياطينه
بعد شفت الضيا ينزع من ثياب المسا ثلثين
تحيالت المنام اللي مثل بيتج تزورينه
وانا اللي من تفارقنا وانا ماغمظت لي عين
غريبة كل حلم يمر فرقادي تزورينه
و الاغرب كيف احلم الحلم و ارجع و أحلمه بعدين
قبل يومين شفتج في المنام وقمت من حينه
ونمت امس ورجع نفس المنام اللي قبل يومين
انا اللي قبل اسافر شلت قلبي من شرايينه
تركته بيدج مثل الامانه و احفظيها زين
ترى حفظ الامانه دين مجبورة تردينه
اجل مافي احد جد قالج حفظ الامانه دين
مرد المكفي بيلفي ويستوفي و توفينه
بعد ليلة ثلاثة أربعة عشرة شهر شهرين
اذا انتي منتي بقد الكلام اللي تقولينه .. حرام !! استأمنج حاجة و اذا جيت اطلبج تنسين
تخونين و تبين ارضى واحد يرضى تخونينه ترضين
انا لاجيت اخونج مع حبيبه ثانيه ترضين ؟
من أول مارجعت من السفر ماشفت لج بينه
و أنا اللي كنت احسبج قبل أدوس أرض المطار تجين
تكونين انتي أول شخص عيني تحتضن عينه
و كنت أتخيلج من زود فرحة رجعتي تبكين
و أشوف بدمعتج حكيـج و أعرفه قبل تحكينه
و أجيب أحلى من اللي بتحكينه و أتركج تحكين
تقولين الوطن نوّر و أقول بنور مضوينه
تقولي لي غديت أحلى و اقول عيونج الحلوين
كلامن نام بشفاهج و خفتي لا تصحينه
ذخرتيه الغرام اللي ينام و يتركج تصحين
تغانمتي غيابي لين رجحتي موازينه
تعلم من ايدج لمس الكفوف و علمج تجفين
و ليتج لاقيت به شي فيـــني ما تلاقينه
مهو بغروور !! لكن خابرج مااالج أمـــل تلقين
تغافلج بغلا .. و إلا الحـلا .. مهو بمن زينه
تزينــه الصور .. بس الصحيح ابن الحلال زوين
و أنا ماني بناقص عنه يوم أنج تبدينه
نصيبي هو نصيبي لو يسددها من الصوبين
قنوع بمظهري والسم ما يذبح ثعابينه
على قول المثل .. ماني حلـــو .. لكني ماني شيـــن
إذا أهداج الزهر مرة .. فأنا أهديتج بســاتينه
و إذا ألهاج بفرح ليلة فأنا تهت لبكاج سنيـــن
و إذا استضعفتج أملاكه .. و شتتج ملايينه
أنا حتى فتات الخبزة أقسمها معج نصيــن
طموحي بس أجي و أظفر بشي تستحقينه
تدينتــه .. تسلفتــه .. سرقتــه .. مو مهم منيــن
كأني من كثر ما أرضى بكل اللي اتمنينه
لو أنج تطلبين الله يعنيني بقول آمين
أنا ما ألعب على الحبلين وقت الطيش بسنينه
تبين الحين يوم إني كبرت العب على الحبلين
ترى عند البدو بذات عيب اللي تسوينه
حلاتج لا عشقتيني تعشقيني ليوم الدين
غرام نسكن ضلوعه حشيمة من مجانينه
جفا يجمع معزتنا و لا عشقن يذل اثنين
كثار اللي تحدوني وقالولي تحبينه
امانه لا تخليني صغير فعينهم تكفين
لاني كل ماقالوا تخون اقول مسكيــــنه
عليج الله امانه علميهم من المسكين
انا خايف لي طاح الجمل تكثر سكاكينه
و انا ماعادت ظلوعي تحمل طعنت السكين
مثل ماقالوا المكتوب واضح من عناوينه
لو أرحل منج للغربة .. بسافر من ظلامج ويــن
كفايه كل حلم يمر برقادي تزووورينه
كفاية من تفارقنا و أنا ماغمضت لي عين
قبل يومين شفتج فالمنام و قمت من حينه
و نمت أمس و رجع نفس المنام اللي قبل يومين
,,
.. صـح لـسـان حــامــد زيــد ..
.. حــامــد زيــد : صح بدنج 
شـرايـكـم  ؟؟
,,
,,
Lots Of Love , |
工具 
帮助
